Музыкалық фестивальдер, ерекше инсталляциялар немесе буддистік рәсімдер — мамыр айы саяхатқа аттанатын жандарға көптеген қызықты жаңалықтар ашуға мүмкіндік береді.

Music & MuTelu Festival 2025

Күні: 9-11 мамыр, 16.00-22.00 
Өтетін орны: Суан Чом Кхонг саябағы, Накхон Пханом

Солтүстік-шығыс өңірдің дәстүрлі стиліндегі музыканттардың өнер көрсетуі мен рухани дамуға ұмтылатындарға арналған іс-шаралар өтетін бұл фестиваль корольдік мәдениетіне бейжай қарамайтын жандардың басын қосады.

Kite Festival 2025

Күні: 10-11 мамыр, 11.00-22.00
Өтетін орны: Тхапсакае жағажайы, Тхапсакае ауданы, Прачуапкхирикхан

Халықаралық деңгейдегі батпырауықтар шоуы: күн шыққаннан күн батқанға дейін фестиваль қатысушыларының көкке самғатқан туындыларына көз алмай қарап, әсем әуен тыңдап, дәмді сусындар мен тағамдардан ләззат алуға болады.

Пхаяу көліндегі World's Only Wien Tien рәсімінің 54-ші рет өткізілуі

Күні: 10-12 мамыр
Өтетін орны: Ват Тилок Арам храмының жанындағы айлақ және храмның өзі, Пхаяу

Буддист монахтарға сый-тарту жасап, қайықпен қызықты саяхатқа шығып, шамдармен өтетін қасиетті су шеруіне қатысуға болады. Рәсім қонақтары Ланна мәдениетінің қойылымдары мен таңғы базарға бару мүмкіндігіне де риза болады. Базарда жергілікті деликатестерден дәм татып, қолөнершілердің бұйымдарын сатып алуға және күн шапағымен көмкерілген Пхаяу көлінің көрінісін тамашалауға болады.

KAWS: HOLIDAY THAILAND

Күні: 13-25 мамыр, 7.00-22.00
Өтетін орны: Санам Луанг, Бангкок

Индонезия, Шанхай және Ле-Брассюдегі соңғы іс-шаралардан кейін KAWS:HOLIDAY өз тарихының Таиландтағы жаңа тарауын ашады. Король сарайының жанында орналасқан, елдің бай тарихымен астасып жатқан Санам Луанг аумағын KAWS:HOLIDAY шығармашылық тұрғыда өзін танытуға арналған ашық кеңістікке айналдырады. Барлық келушілер үшін кіру тегін.

Amazing Krabi Green Guide Fest 2025

Күні: 15-18 мамыр, 9.00-20.00
Өтетін орны: Ноппхарат Тхара жағажайы, Ао Нанг, Краби

Крабидің экологиялық әрі тұрақты туристік бағыт ретіндегі барлық артықшылығын таныстыратын жарқын фестивальде экологиялық өнімдермен танысып, қолөнер және шығармашылық шеберлік сабақтарына қатысып, сондай-ақ тай асханасының үздік тағамдарын дайындауды үйренуге болады.

Kite on the Lake

Күні: 16-18 мамыр, 16.00-22.00
Өтетін орны: Lakeside, Муанг Тхонг Тхани, Нонтхабури

Бұл бүкіл отбасыға арналған үздік фестивальдердің бірі саналады: батпырауық ұшыру жергілікті өнерпаздардың қызу өнер көрсетуімен және шығармашылық шеберлік сабақтарымен қатар өтеді. Өзіңізбен бірге сүйікті үй жануарларыңызды алып келіп, фестивальдің көңілді атмосферасын бірге тамашалауға болады.

Outdoor Fest 2025

Күні: 22-25 мамыр
Өтетін орны: 5 және 6 көрме залдары, LG қабаты, Сирикит ханшайымы атындағы ұлттық конференц-орталық, Бангкок

Мамыр айының соңында Бангкок белсенді өмір салтын ұстанатындардың бас қосатын орталығына айналады. Маңызды іс-шаралардың алғашқысы — серфинг, велоспорт, су шаңғысы, кемпинг, коньки тебу және трекинг туралы толық ақпарат алуға болатын көрме.

Thailand Golf Expo 2025

Күні: 22-25 мамыр
Өтетін орны: 5 және 6 көрме залдары, LG қабаты, Сирикит ханшайымы атындағы ұлттық конференц-орталық, Бангкок

Корольдік аумағында гольф ойнайтын 200-ден астам алаң мен гольф-курорт бар. Олардың 160-ы жеке тұлғаларға, ал шамамен 40-ы мемлекеттік құрылымдарға тиесілі. Бұл бизнес саласы шетелдік инвесторлардың қызығушылығын барған сайын арттырып келеді. Көрмеде заманауи технологиялар мен танымал спорт түрінің тамаша үйлесімін көрсететін гольф симуляторы орнатылады.

Thailand Dive Expo 2025

Күні: 22-25 мамыр
Өтетін орны: 5 және 6 көрме залдары, LG қабаты, Сирикит ханшайымы атындағы ұлттық конференц-орталық, Бангкок

Дайвингке қызығатындарға арналған іскерлік көрме. Таиланд осы демалыс түрі үшін ең танымал бағыттардың бірі саналады. Көрме 2004 жылдан бері өткізіліп келеді, ал 2025 жылы оған 276-дан астам қатысушы мен 578 стенд қатысады деп жоспарлануда.

Samui Regatta 2025

Күні: 24-31 мамыр
Өтетін орны: Чавенг жағажайы, Самуи аралы, Сураттхани

Алғашқы регата 2002 жылы өтті — содан бері ол дәстүрлі түрде Азияның үздік яхталарын және тамаша көріністі, кештерді және, әрине, желкенмен жүзуді тамашалау үшін аралға келетін көптеген көрерменді жинайды. Регата провинция басшылығының, Самуи муниципалитетінің және Таиландтың Туризм басқармасының қолдауымен ұйымдастырылады.